లాస్య రామకృష్ణ తో శ్యామలీయం గారి ఇంటర్వ్యూ

బ్లాగు - శ్యామలీయం 

బ్లాగులు 

శ్యామలీయం - http://syamaliyam.blogspot.in/

ప్రపంచపటం http://prapanchapatam.blogspot.in/

ప్రశ్న - జవాబుల తెలుగు వ్యాకరణం http://telugugrammer.blogspot.in/

నవకవనవనం http://syamalatadigadapa.blogspot.in/

జ్యోతిశ్శాస్త్రం http://jyotissastram.blogspot.in/

గేయరచన http://geyarachana.blogspot.in/

మీ పేరు
తాడిగడప శ్యామలరావు

మీ ఊరు
భాగ్యనగరం.  (గత 40 సంవత్సరాలుగా)

స్వస్థలం
లక్ష్మీపోలవరం (రావులపాలెం దగ్గర) తూర్పుగోదావరి జిల్లా

హాబీస్
పుస్తకపఠనం.  కాని అంత తీరుబడి దొరకటం దుర్లభంగా ఉంది. ఒకప్పుడు హోమియోపతీ, జ్యోతిషంకూడా మంచి హాబీలుగా ఉండేవి - వాటిలో నాకు చెప్పుకోదగినంత పరిజ్ఞానం సామర్థ్యం ఉండేవి.

మీ పుట్టిన రోజు
మే 6.  (కాని రికార్డుల ప్రకారం ఆగష్టు 12)

అభిమాన రచయిత
విశ్వనాథ సత్యనారాయణగారు, నోరి నరసింహశాస్త్రిగారు, అడవి బాపిరాజుగారు .... ! అంతా పాతతరాల వాళ్ళేనేమో!

నచ్చే రంగు
తెలుపు

నచ్చే సినిమా
మాయాబజారు

ఇష్టమైన ఆహారం
సాత్వికాహారం.

ఇష్టమైన పుస్తకం
ఫలానా అని లేదు. చాలా ఉన్నాయి. ప్రస్తుతం ఆధ్యాత్మిక గ్రంధాలు హెచ్చుగా ఇష్టపడుతున్నాననుకుంటా. 

ఇష్టమైన ప్రదేశం
ప్రశాంతంగా ఆహ్లాదకరమైన వాతావరణం కలిగిన ప్రదేశం యేదైనా ఇష్టమే!

జీవితం అంటే
భగవంతుడిచ్చిన వరం.

ఇతరులలో నచ్చేవి
సరళహృదయం

సాహిత్యం తో మీ ప్రయాణం  
మా నాన్నగారు నా చిన్నప్పుడే కవిత్రయాన్నీ, పోతననూ, ధూర్జటీ రామదాసులను పరిచయం చేసారు.  పాఠశాలాదినాల్లోనే పద్యాలు వ్రాసేవాణ్ణి. ముకుందా అనే మకుటంతో అముద్రితశతకంతో సహా పద్యాలూ గేయాలూ వ్రాసాను. ప్రస్తుతం నా శ్యామలీయం బ్లాగులో ఆధ్యాత్మిక కవిత్వం వ్రాస్తున్నాను. అలాగే శ్రీమద్భాగవత మాహాత్మ్యం అనే కావ్యం కూడా వ్రాస్తున్నాను


మీ రోల్ మోడల్
విశ్వనాథగారూ, మా మేనమామ ప్రసాద్‌గారూ, శ్రీనేమానివారూ మరికొంతమందీ ఉన్నారు.
 
తెలుగు భాషకు మీ వంతు ప్రయత్నం
తెలుగుభాషపట్లా సాంప్రదాయిక కవిత్వం‌పట్లా ప్రజలకు అభిరుచి కలిగించటం.  వర్థమాన సాహిత్యకారులకృషికి చేదోడు అందించటం.

వృత్తిజీవితం
నేను software engineer అవతారం యెత్తింది నలభై యేళ్ళ క్రిందటే. IBMలో DGM హోదాలో రెటైర్ అయ్యాను 2010లో

- లాస్య రామకృష్ణ