Saturday 18 May 2013

లాస్య రామకృష్ణ తో తెలుగు వెన్నెల బ్లాగర్ కాయల నాగేంద్ర గారి ఇంటర్వ్యూ



రచయిత - కాయల నాగేంద్ర 

ఉగాది కవిత 

ఉగాది వచ్చింది 

వసంతాన్ని తెచ్చింది 

మనసంతా నింపింది 

మదినిండా పూల పరిమళాలను చుట్టుకుని

పచ్చదనంతో అందంగా ముస్తాబై

పురివిప్పిన మయూరంలా... 

వేంచేసింది వయ్యారంగా!               

మావి చివుళ్ళు తిన్న కోయిలమ్మ 

తన్మయంతో గానం చేస్తూ... 

సప్త స్వరాలను పలికిస్తూ...  

కనువిందు  చేసింది కమనీయంగా!

మత్తెక్కించే
మల్లెల గుబాళింపులు 

సహజ పరిమళాలను వెదజల్లే వేపపువ్వులు... 
                                   

పచ్చగా నిగనిగ లాడే మామిడి పిందెలు...  

చిగురించిన వృక్షాలతో ప్రకృతి సోయగాలు 

ఆహ్వానిస్తున్నాయి రమణీయంగా!


మీ పేరు   
కాయల నాగేంద్ర 

మీ ఉరు   
హైదరాబాద్ 

స్వస్తలం 
రాజంపేట, కడప (జిల్లా)

హాబీస్   
పుస్తకాలు చదవడం, టీవీ చూడటం, బ్లాగ్, పేస్ బుక్ కి రచనలు చేయడం

మీ పుట్టిన రోజు  
2nd  అక్టోబర్ 

అభిమాన రచయిత 
చలం గారు 

నచ్చే రంగు   
బ్లూ 

నచ్చే సినిమా 
పాతాళ బైరవి 

ఇష్టమైన ఆహారం 
విజిటేబుల్ పలావ్ 

ఇష్టమైన పుస్తకం 
అసమర్ధుని జీవయాత్ర 

ఇష్టమైన ప్రదేశం 
తిరుమల  

జీవితం అంటే 
కష్టసుఖాలు 

ఇతరులలో నచ్చేవి 
మంచితనం, నిజాయితీ 

సాహిత్యం తో మీ ప్రయాణం 
సమాజానికి ఉపయోగపడే రచనలు చేయడం  

మీ రోల్ మోడల్ 
నందమూరి తారక రామారావు (సీనియర్)

తెలుగు భాషకు మీ వంతు ప్రయత్నం 
తెలుగువారి చేత తెలుగు రాయించడం, చదివించడం, మాట్లాడించడం!


- లాస్య రామకృష్ణ 







Saturday 11 May 2013

లాస్య రామకృష్ణ తో రమేష్ గారి ఇంటర్వ్యూ




బ్లాగు పేరు - skvramesh


రమేష్ గారి ఇంటర్వ్యూ 


మీ పేరు        
ఎస్ కె వి రమేష్ 

మీ ఉరు            
గుడివాడ 

స్వస్తలం                   
గుడివాడ 

హాబీస్                
ప్రయాణం చేయడం , చిన్న పిల్లలతో ఆడుకోవడం 

మీ పుట్టిన రోజు       
august 31 st 

అభిమాన రచయిత    
డా. సినారె గారు 

నచ్చే రంగు          
ఆరెంజ్ 

నచ్చే సినిమా           
దేశభక్తి సినిమాలు ఏవైనా 

ఇష్టమైన ఆహారం       
పులిహోర 

ఇష్టమైన పుస్తకం     
గీతాంజలి 

ఇష్టమైన ప్రదేశం     
గుడివాడ 

జీవితం అంటే          
ఏకాంతంలో నైనా అందర్నీ దగర చేసుకుని ఆనందంగా ఉండడం 

ఇతరులలో నచ్చేవి 
నచ్చనివి అసలు వెతకను వెతికితే నాకు నేనే నచ్చను 

సాహిత్యం తో మీ ప్రయాణం
అదో పిల్లకాలువలా మొదలైంది కాలమూ నా కలమే చూపాలి ముందున్న త్రోవ 

మీ రోల్ మోడల్        
నన్ను ఇంప్రెస్ చేసే వారందరూ 

తెలుగు భాషకు మీ వంతు ప్రయత్నం
అందరి మనసుల్లో నిలబడేలా తెలుగులో అందమైన కవిత్వం రాయడం 


రమేష్ గారి ఉగాది కవిత 

విజయీభవ 

నే తేబోతున్న తీపి చేదులకై తర్జన భర్జనలు పడుతూ 
ఏమిటిలా పుట్టిన రోజు పండుగ చేస్తున్నావు నాకు 
ఎగురుతూ ఆ కోయిలమ్మ అడుగు కదపకుండా ఈ పూలకొమ్మ 
నాకు స్వాగతాలు పలుకుతుంటే,
క్షణం తీరికలేనితనం నాదంటూ సాగిపోయే నన్ను 
నీ అనుభవాల్లో ఆపుకుంటావ్,
నీ అనుభూతులతో నా కడుపు నింపుతుంటావ్. 
అందుకే స్వేచ్చగా నే, సాగుతూనే నీ సాహచర్యం కోసమని 
ఇన్ని వన్నెలను దొర్లించుకుంటూ వస్తాను. 
లెక్కగట్టి నా ఆద్యంతాలను తెలిపే నీ విజ్ఞానపు ఊయల్లో 
ఆగక, నే సాగుతున్న బడలికను ఆరు ఋతువులుగా పోగొట్టుకుంటూ
నీ మంచి చెడులను నేను అలంకరించుకుంటాను. 
నా పదాన నీకై జ్ఞాపకాల పూలు పూయిస్తానని,
వత్సరానికోపేరు పెట్టుకుని, వాత్సల్యంతో నన్ను పిలిచే నీకై 
అంతా మంచే జరగాలన్న వాంఛతో 
నీ వాకిలి లోకి 'విజయం' చేస్తున్నాను నేస్తం!
విజయీభవ అంటూ నిన్ను వరిస్తూ!
************

- లాస్య రామకృష్ణ 


Thursday 9 May 2013

మన కాకినాడలో....


 దంతులూరి కిశోర్ వర్మ గారి "మన కాకినాడ లో" బ్లాగ్ గురించి రచయిత మాటల్లోనే 

"తూర్పుగోదావరి జిల్లాలో చూడదగ్గ ప్రదేశాలు, ప్రముఖవ్యక్తులు, ముఖ్యమైన కార్యక్రమాలు, విశేషాలు మొదలైన వాటి గురించి రాద్దామన ఈ బ్లాగ్ మొదలుపెట్టడం జరిగింది. క్రమంగా కేవలం ఒక ప్రాంతానికే పరిమితంకాకుండా ఎవరికైన ఆసక్తి కలిగించే విషయాలగురించి రాస్తూ నా బ్లాగ్ పరిధిని పెంచే ప్రయత్నం చేస్తున్నాను. ప్రస్తుతం పదెహేడు కేటగిరీలలో దగ్గర దగ్గరగా వంద పోస్టులు రాసాను. ఇంకా ఓ పది కేటగిరీలలో రాయాలని అభిలాష. బ్లాగ్ ఆగ్రిగేటర్లు, బ్లాగ్ మిత్రులు, పాఠకుల ప్రోత్సాహం బాగుంది. అందరికీ ధన్యవాదాలు"

- లాస్య రామకృష్ణ 

Sunday 5 May 2013

ఉగాది కవితల పోటీలో మొదటి బహుమతి పొందిన శ్రీరాం నిహార్ గారి కవిత




రచయిత - శ్రీరాం నిహార్ ముసునూరి


ఉగాది డాట్ కామ్!
-----
ఉగాది వచ్చేసిందా...? ఉషస్సే కనిపించలేదు!
కాంక్రీటు జంగిల్లో బతికేస్తున్నాం కదా?!
అంతస్థుల తెరల వెనుక...
ఎన్ని ఉషోదయాలో.. ఎన్ని అస్తమయాలో?!

ఎడారులు పరుచుకున్ననగర జీవితం
ఎన్ని వసంతాలొస్తే చిగురిస్తుంది ?
టెర్రస్ మీద పెరడును సృష్టిస్తే
పల్లె సోయగమెలా పరిమళిస్తుంది ?!

ఇరుకు వరండాల్లో మరుగుజ్జు వృక్షాలు
ఏనాటికైనా కొత్త చిగుర్లు తొడుగుతాయా?!
గాలీవెలుతురూ తెలియని 2BHK ఫ్లాట్లు
ఇక ప్లాస్టిక్ మొక్కలు ప్రాణవాయువునిస్తాయా?

సోషల్ మీడియాతో ప్రపంచానికి కనెక్టయ్యాం
మన ఒంటరిదనానికి కొత్త వేకువలెలావస్తాయి?
పండగా, పబ్బం 'వసుదైకకుటుంబకం' అనుకుంటేనేగా...
మనం విడిచిపెట్టిన ఆసరాల జాడెక్కడో వెతుక్కుందాం!

ఉగాది వచ్చేసింది... కృత్రిమ ప్రకృతి సృష్టించుకుందాం!
జనారణ్యంలోకి మర కోయిలలను ఆహ్వానించండి
రింగ్ టోన్లలో పక్షి గొంతులు ట్యూన్ చేద్దాం!
గాడ్జెట్లతో నడిచే బతుకులకు కుహూరవాలు వినిపిద్దాం!!

తలుపులే తెరవని వాకిళ్లలో...
కాగితపు పూలదండలు వేళ్లాడేద్దాం!
గడపలెరుగని లోగిళ్లలో...
కాగితపు ముగ్గుల షీట్లు అతికించేద్దాం!

రొటీన్ లైఫుల్లో ఆమ్ఆద్మీలకు పరవన్నాలెక్కడివి?
పండుగొచ్చిందిట...స్వగృహకెళ్లి నోరుతీపి చేసుకుందాం!
'పచ్చ' కళ్లజోడెట్టేసుకోండి...
నిలబడిన చోటికే పచ్చదనాన్ని రప్పిద్దాం!

న్యూక్లియర్ ఫ్యామిలీలైపోయాముగా...
సినిమా 'ఉమ్మడి కుటుంబాలు' సేదదీరుస్తాయి !
బుల్లితెర ముందుకూర్చున్నామంటే-
'పరాయితనం' తెలియని సందడొచ్చేస్తుంది!

మనక్కావాల్సినవి కోయిల కూత, వేపపూతా...
'ఫేస్ బుక్'లో వాటి జాడ వెతుక్కోగలమా?
క్రమం తప్పని నవవసంతం వచ్చేసిందిట...
మన ఇంటికీ రమ్మని ఓ ఎస్ఎంఎస్ పంపుదామా...?!


- లాస్య రామకృష్ణ 




Friday 3 May 2013

నా ప్రేమకు ఇంట్లో ఒప్పుకున్నారన్న సంతోషంతో "గుండె సవ్వడి" అనే పోస్ట్ రాస్తూ మళ్ళీ బ్లాగింగ్ మొదలుపెట్టాను

బ్లాగు - మనసు లో ని మౌనరాగం 



"నా మనసుని తాకిన కొన్ని సంఘటనలు,  ఆలోచనలు, మదిలో మెదిలే ఊహలు, తీపిజ్ఞాపకాలు, సరదా కబుర్లూ..  వీటికి నేనిస్తున్న అక్షర రూపమే నా "మనసులోని మౌనరాగం".  2010 లో ఓ రోజు బాగా బోర్ కొట్టి ఇంటర్నెట్తో కుస్తీ పడుతుంటే, అనుకోకుండా కొన్ని తెలుగు బ్లాగ్స్ చూసాను. అప్పటి వరకూ నెట్లో తెలుగులో రాయొచ్చన్న సంగతి నాకు తెలియదు. అప్పుడే కొత్తగా తెలుగు రాయడం, చదవడం నేర్చుకుంటున్న నాకు చాలా ఉత్సాహంగా అనిపించి వెంటనే బ్లాగ్ క్రియేట్ చేసుకున్నాను. మొదలుపెట్టానన్న మాటే గాని తరువాత దానివైపసలు కన్నెత్తి కూడా చూడలేదు. తరువాత ఎప్పుడో 2012లో నా ప్రేమకు  ఇంట్లో ఒప్పుకున్నారన్న సంతోషంతో  "గుండె సవ్వడి" అనే పోస్ట్ రాస్తూ మళ్ళీ బ్లాగింగ్ మొదలుపెట్టాను.  ఇహ అప్పటి నుండి బ్లాగ్ నా బెస్ట్ ఫ్రెండ్ అయిపోయింది. దాని ద్వారా మంచి స్నేహితులను, మనసున్న మనుషులనూ కలుసుకున్నాను. ఈ కబుర్లను మీతో పంచుకునే అవకాశం వచ్చినందుకు చాలా సంతోషంగా ఉందండీ." అంటున్న ప్రియ గారితో పూర్తి ఇంటర్వ్యూ త్వరలో మీ బ్లాగ్ లోకం లో


లాస్య రామకృష్ణ 

రూ.500 /- కంటే తక్కువ బడ్జెట్ తో ఎక్స్పెన్సివ్ లుక్ ను అందించే హ్యాండ్ బ్యాగ్స్

మీ అవుట్ ఫిట్స్ తో పాటు మీ యాక్ససరీస్ కూడా మీ స్టైల్ ను పెంపొందించడంలో దోహదపడతాయి. యాక్ససరీస్ లో హ్యాండ్ బ్యాగ్స్ ముఖ్యమైన పాత్ర పోషిస్తాయ...